NAJ DEDINKA SLOVENSKA - nedeľa

V dňach 14., 15. i 16. jula 2017 ša v našyj obci nakručala relacija NAJ DEDINKA SLOVENSKA, do kotroj ša zapojilo mnoho dobrovoľnikyv – obyvateľiv i rodakyv z Kamjunky i mnoho hostiv z inšych dedin. Byli to nezabudnuteľny tri dny, počas kotrych sme ša cila dedina dali dokupy a aj vďaka tomu vznikli historicky zabery i zaznamy nelem pro sučasnu generaciju, ale hlavňi pro budučy generaciji. Spoločňi zme mily našy obyvatele na vysokoj urovňi spropagovali našu Kamjunku a vytvorili ďilo nevyčisliteľnoj hodnoty, zašto by jem ša vam v meňi svojim i v meňi obecnoho zastupiteľstva chťiv što najserdečňiše poďakovati a vysloviti vam všytkym veliku poklonu. Bylo užasne sledovati ochotu všytkych vas pomočy, jak ste z každoj strany prichodili v krojach, v uniformach, z pachňačyma kamjunskyma pjirohami, za špivu našych šuvnych kamjunskych špivanok a jak ste ša hordo holosili ku našym zvykam i obyčajam, ku rodnyj Kamjunci. Želam vam mily našy obyvatele, žeby vam pan Byh totu vašu ochotu i oduševňiňa vynahorodiv stonasobňi a iščy raz všytkym vam, vašym pribuznym, prijateľam i znamym zo ščyroho serdca ďakyju. Mnohaja i blahaja ľita vinčyju cilyj Kamjunci. Ing. Juraj Jedinák, starosta obce.